Rap eta inprobisazio saioa izango da bihar, egubakoitza, Antixenan, euskal presoen etxeratzea aldarrikatzeko, All In Da House txapelketan. 20:00etan zabalduko dira ateak eta pintxoak izango dira barran, eta 22:00etan hasiko da saioa protagonista hauekin: Natxo, Amaia, Lil Zikuta, Kortxelo –Urko Arregi oñatiarra–, Calie eta Ramses. Gero, DJa egongo da.
Gasteizen du sorrera freestyle txapelketa horrek. 2016an egin zuten lehendabiziko aldiz, Ekaitz In Da House izenarekin, Ekaitz presoaren etxeratzea eskatzeko. Hura aske geratu ostean, Ekaitz Is In Da House izena hartu zuen, eta 2021a ezkero All In Da House izenarekin jarraitu dute antolatzen, euskal preso guztien etxeratzea aldarrikatzeko.
Oñatiko saioaren ostean, abenduaren 12an egingo da Hendaian eta abenduaren 19an Gernikan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.