Bihar, eguaztena, iluntzean, 19:00etan, etorriko da Aritz Gordo argazkilari arrasatearra Oñatira. Hark ateratako hainbat argazkiren erakusketa dago ikusgai kultura etxeko aretoan, eta horien aurkezpena egingo du eta ikusleen galderak erantzungo ditu.
Aloña Mendiko mendi sailak antolatuta duen mendi astearen barruan egingo du bisita Aritz Gordok. Erakusketa hilaren 23ra arte egongo da zabalik, baina horrez gain, beste ekintza batzuk ere badituzte antolatuta egunotarako. Gaur, martitzena, esaterako, Andoni Ormazabal –Ekin zentroa– fisioterapeuta etorriko da eta eskaladan egiten diren lesioei buruz hitz egingo du eta nola saihestu daitezkeen azalduko du; 19:00etan, zinema aretoan, doan. Eguenean, berriz, Mendi Film Festibal jaialdiko filmen proiekzioa egongo da zinema aretoan, 19:30ean –sarrera 5,5 euro–.
