Datorren domekan, azaroaren 16an, bigarren emanaldia izango da; Eñaut Zubizarreta Mendieta biolontxelo-jole aretxabaletarrak –Trigger izenarekin ezagun den artista– jardungo du. Doodem izeneko bidaia proposatuko du, herriko musikak oinarri hartuta. Ikuskizunak, musikaz gain, dantza, narrazioa eta antzerkia uztartuko ditu.
Azaroaren 23an, Tanguedia Ensenble taldeak, Astor Piazzolla (1921-1992) konpositore argentinarra omenduko du. Bere obrarik aipagarrienak joko dituzte, Naiara De La Puente akordeoiak, Joana Otxoa de Alaiza pianoak, Victor Parra biolinak eta Ivan Casado biolontxeloak osatutako laukoteak.
Azkenik, Entrequatre, lau gitarrak osatutako laukoteak, Ibilbide izeneko lana aurkeztuko du azaroaren 30ean. Berezitasun bezala, Aita Madina konpositore oñatiarraren bi obra taularatuko ditu taldeak.