Danbaka Musika Lehiaketaren irabazle den Oñatiko Malko taldea azken ukituak ematen dabil disko berriari. Minmugak izena izango du eta azaroaren 14an kaleratuko dute. Horren berri emateko eta zaleei itxaronaldia leuntzeko Biszerala abestiaren bideoklipa zabaldu dute gaur.
Goiena Komunikazio Taldeak antolatutako seigarren Danbaka Musika Lehiaketa irabazi zuen Malko taldeak. Eta horri esker diskoa grabatu ahal izan dute. Oñatiko boskotearen bigarren diskoa da Minmugak eta Haritz Harreguyren estudioan grabatu dute.
Goienak diskoaren grabaketaren nondik norako guztiak jaso ditu protagonisten ahotik eta erreportaje hori emango dute eguenean, azaroaren 6n, 20:00etan eta 22:00etan, Goiena telebistan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.