Onddoek sustrairik ez duten arren, lotura estua dute landareen sustraiekin eta euren artean eratzen diren sare konplexuen inguruan hitz egingo du Esti Sarrionandia adituak, Mikologiaren sustraietara: Mikopoteoa argitzen Mikorrizen itzaletik izeneko hitzaldian. Gandiaga Topagunean izango da hori, 17:30ean.
Amaitzean, 19:00etan, Arantzazuko gastronomia zirkuitutik barrena ibilbidea hasiko da, Zelai-Zabaletik Iraipe Arantzazuko Santutegia Hotela arte, eta handik, Goiko-Benta eta Sindikara. Mikopintxo bakoitzak 1,5 euroko salneurria izango du, eta edaria ostatu bakoitzaren prezioen araberakoa izango da. Aurten ez dela Arantzazura igotzeko autobus zerbitzurik izango.
Arantzazuko XII. Mikopoteo jardunaldi hau Arantzazuko Adiskideak elkarteak, Arantzazulab-ek eta Arantzazuko Parketxeak antolatu dute, eta laguntzaile izan ditu Oñatiko Udala eta mikopoteoan parte hartuko duten Arantzazuko jatetxeak.