Guztira hamalau talde izango ditu 2025-2026 denboraldian Aloña Mendiren futbol sailak (horietako bi, Debagoiena izenarekin jokatuko duten neskez osatutakoak) eta gaur goizean guztien aurkezpena egin dute taldeetako jokalarien eta teknikarien presentziarekin. 300 jokalari elkartu dira denera eta aurkezpena taldeen argazkiak ateratzeko ere baliatu dute. Futbol eskolakoek ere hartu dute parte argazki sesioan.
Esan, Aloña Mendik dagoeneko martxan den denboraldian izango dituen hamalau taldeetatik zortzi gizonezkoenak direla eta sei emakumezkoenak.