Herriko Txinparta bertso eskolak jaien bueltan antolatu ohi izan duen bertso jaialdia prestatu du aurten ere. Baina, baditu ez ohikoak diren ezaugarri batzuk: jai nagusiak hasi aurretik egingo dute aurten, ostean beharrean, irailaren 19an, hain zuzen ere; bestalde, ez da Zubikoa frontoian izango, Santa Ana antzokian baizik.
Sarrerak salgai daude
Txinparta bertso eskolako kideek eurek egingo dituzte gai jartzaile lanak eta bertsotan egingo dutenak berriz, hauek: Amets Arzallus, Alaia Martin, Urko Arregi, Aitor Mendiluze, Aroa Arrizubieta eta Nerea Ibarzaba. Sarrerak salgai daude Txokolateixan eta udal webgunean. Prezioa da: 10 euro. Hamabi urtetik beherakoek ez dute ordaindu beharko baina bai txartela hartu –Txokolateixan jaso behar dituzte–.
Irailaren 19an, egubakoitza, izango da bertso jaialdia Santa Anan, 19:30ean.