'Errementeri' eta 'Irati' filmak zuzendu zituen Paul Urkijo gasteiztarrak zuzendutako 'Gaua' filmaren soinu grabazioan hartu du parte Ganbara abesbatzak asteburuan. Zarauzko Noise estudioan hemezortzi abesti grabatu ditu, hamabi orduko tartean; 09:30etik 21:30era izan zen grabaketa saioa. "Hamabi orduko grabaketa izan zen, baina emaitzarekin oso pozik gelditu gara. Aportazio nabarmena dela uste dut filmari", adierazi du Ganbara abesbatzako zuzendariak, Aitor Biain Bidartek.
Yune Nogueiras, Ane Gabarain, Elena Irureta eta Iñake Irastorza dira 'Gaua' filman parte hartzen duten aktoreetako batzuk eta azaroaren 14an estreinatuko dute filma Siges-eko zinema fantastikoaren jaialdian. "Ikusteko gogoz gaude dagoeneko", gaineratu du Biainek.