Joseba Bermejo Aloña Menditik iritsi zen Eibarko kategoria txikietara, alegia, kadete mailako taldera. Eta ordutik, armaginen harrobian mailaz igotzen joan da, 2024/2024 denboraldian Eibar C taldera igo zen arte, Hirugarren Federazio mailan jokalari garrantzitsu bilakatuz. Hala, iazko denboraldian 1.500 minutu jokatu zituen, penalti bat gelditu eta 24 gol baino ez zituen jaso. Atsu Okazaki entrenatzaile zuen taldeak 9. postuan amaitu zuen denboraldia, eta mailari eustea lortu zuten.
Eibarko klubetik adierazi dutenez, "Bere errendimenduari esker aurrerapauso bat eman du denboraldi honetan: Eibar C-tik Bigarren Federazioan jokatzen duen filial armaginera igo da, atezain gisa hazten jarraitzeko. Gainera, bere bilakaerak ateak ireki dizkio lehen taldeko entrenamenduetan parte hartzeko, bai Joseba Etxeberriaren, bai Beñat San Joseren agindupean".
Berritze honi esker, Bermejok armaginen atea defendatzen jarraituko du 2028ra arte.