Oñatiko Udal Liburutegiak bost irakurle talde aktibo ditu gaur egun: lau helduentzat eta bat umeentzat. Taldetako hiru euskaraz dira eta beste biak gaztelaniaz, eta adin ezberdinetara egokituta daude, irakurketaz gozatzeko aukera adin guztietako herritarrei eskainiz.
Irakurle taldeak hilean behin elkartzen dira liburutegian, aukeratutako liburu baten inguruan hausnartzeko eta esperientziak partekatzeko. Dinamika horrek irakurketaren ohitura sendotzen laguntzeaz gain, pentsamendu kritikoa, enpatia eta ahozko adierazpena lantzeko aukera paregabea eskaintzen du.
Literatura eta topaleku soziala
Liburutegiko arduradunaren hitzetan, "irakurle taldeak ez dira bakarrik literaturaz gozatzeko guneak; topaleku sozialak ere badira. Talde hauetan profil ezberdinetako pertsonak elkartzen gara, ideiak partekatzen ditugu eta ikuspegi berriak ezagutzen ditugu. Gure iritzia ematen ikasten dugu, baina, era berean, eta ez garrantzi gutxiagokoa, besteen iritziak entzuten eta errespetatzen ikasten dugu".
Heziketa prozesuan lagungarri
Haurrei zuzendutako taldeak, gainera, irakurtzeko ohitura goiztiar bat sustatzen du, heziketa prozesuan lagungarri. Adin txikitatik irakurketarekin harreman estua duten haurrek irudimena, hizkuntza gaitasunak eta kontzentrazioa hobeto garatzen dituzte. Bestalde, Haurren Irakurketa Klubak (HIK) hau guztia bermatzen du:
1. Espazio ludikoa eskaini haur literaturaren bitartez.
2. Haurrek irakurle gisa duten esperientzia aberastu, derrigortasun sentimendua, asperdura eta axolagabekeria saihestuz.
3. Talde txikien gertuko jarraipena egin, estimulu-estrategiak erraztu eta komunikazio-giro egokia sortu. Oñatiko Udal Liburutegia irakurketaren aldeko espazio bizi eta parte-hartzailea bihurtu da, eta irakurle talde hauek funtsezko zutabe dira norbanako zein komunitatearen garapenerako.
Bost irakurle talde
1. Tertulixan euskaraz
Dinamizatzailea: Itziar Ugarte
Saioak: urriak 28, azaroak 18, urtarrilak 13, otsailak 3, martxoak 3, apirilak 14 (astearteak). Ordua: 18:00 – 20:00.
2. Tertulixan gaztelaniaz
Dinamizatzailea: Monica Leiva
Saioak: urriak 21, azaroak 25, abenduak 16, otsailak 10, martxoak 10, apirilak 28 (astearteak). Ordua: 18:00 – 20:00.
3. Komikia euskaraz
Dinamizatzailea: Igor Leturia
Saioak: urriak 14, azaroak 4, abenduak 9 (astearteak). Ordua: 18:00 – 20:00.
Oharra: Euskarazko Komiki Irakurketa Taldea: 16 urtetik gorako gazteentzat irekiko da.
4. Komikia gazteleraz
Dinamizatzailea: Kike Infame
Saioak: urtarrilak 27, otsailak 24, martxoak 24 (astearteak). Ordua: 18:30 – 20:30.
5. Haurren irakurketa kluba (HIK)
Dinamizatzailea: Peru Magdalena
Saioak : urriak 27, azaroak 17, urtarrilak 19, otsailak 9, martxoak 9, apirilak 20 (astelehenak). Ordua: 17:00 – 18:15.
LH5 eta LH6ko haurrentzat zuzenduta dago kluba, eta, izena ematen dutenek, hala nahi izan ezkero, bi ikasturteko zikloa betetzeko aukera izango dute. Aurten, bigarren urtea izanik, iazko klubeko haurrek izango dute lehentasuna.
Izena emateko bideak
Iailak 1etik 19ra bitartean eman daiteke izena irakurketa klubetan. Liburutegian bertan, , 943 71 61 11 edo 688 73 28 26 zenbakietara deituz, edo liburutegia@onati.eus helbidera idatzita.