Egubakoitzean, 18:30ean emango diote hasiera jaiei Bidebarrietan. Ostean, 19:00etan, txorimaloak aterako dira kalera eta pintxopotea egongo da txosnagunean Italikualen eskutik. 20:30ean beerpong txapelketa egingo dute eta 22:00etan hasiko dira kontzertuak txosnagunean. Arrixku, Hankaz Gora, Fronte Berria eta Mala Ruina taldeek joko dute kontzertua; ostean DJ Izuraren emanaldia egongo da.
Zapatuan paella lehiaketarekin emango diote hasiera egunari; 11:00etan izango da eta izena eman daiteke jaietako Instagram kontura idatzita. Lehiaketan zehar haurrentzako ekintzak eta marianitada egongo dira txosnagunean. Arratsaldean, ohiko mus txapelketa egingo dute 16:00etan hasita; gero, 19:00etan, txorimaloak aterako dira kalera, eta 22:00etan Mirua, Indabe eta Katu taldeek joko dute kontzertua. Emanaldien ostean DJ saioa egongo da.
Jaietako azken egunean, Hip Hip Ura! antzerkia egongo da txosnetan, 12:30ean hasita. 14:30ean auzobazkaria egingo dute (izena emateko Instagram kontura idatzi behar da); ostean, bingoa egongo da. Jaiei bukaera emateko, bertso saioa egingo dute Urko Arregi, Urko Egaña, Aitor Tatiegi eta Gontzal Belategi bertsolari oñatiarrek.
