Aitor Arregi oñatiarrak eta Jose Mari Goenagak zuzendutako Maspalomas filma irailaren 26ean estreinatuko dute zinema aretoetan, 73. Donostia Zinemaldiaren Sail Ofizialean lehiatu ostean. Filmaren trailer ofiziala zabaldu dute orain, ikusmina sortzen hasteko.
Moriarti ekoiztetxearen fikziozko lan bat da, eta Jose Ramon Soroiz eta Nagore Aranburu dira aktore nagusiak. Vicenteren istorioa kontatzen du filmak: adineko pertsona bat da Vicente, homosexuala, baina zaharren egoitzan sartzerakoan armairura itzultzeko erabakia hartzen du.
Irusoin ekoiztetxearekin batera, Euskal Herriaren eta Kanariar Uharteen artean grabatu dute, eta, Soroiz eta Aranburuz gain parte hartu dute Kandido Urangak, Zorion Egileorrek eta Kepa Errasti aktore aretxabaletarrak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.