Jolas inklusiboa familian Arantzazuko Parketxeko ibilbide irisgarrian egingo dute. Ezintasun fisikoren bat duten pertsonen lekuan jarriko dira eta ibilbide irisgarrian zehar goiz paregabe bat pasatzeko aukera izango dute. Ikusmen urritasuna eta mugikortasun arazoak dituztenen azalean jartzeaz gain, familian jolasteko eta disfrutatzeko aukera izango da.
Ekintza hori egingo dute abuztuaren 15ean, 23an eta 24an, 11:00etan hasita.
Pottokak ezagutzen
Bestalde, pottokak gertutiko ezagutzeko aukera ere egongo da. Paleolito garaitik gaurdaino euskal lurraldea habitatu duen zaldirik zaharrenak dira horiek. Arantzazu Parketxeak eta Pottokaleku Pottokaren Interpretazio Zentroak euskal zaldi hauek
herritarrei ezagutarazi eta hurbilarazteaz gain, ingurunearen ezagutza eta animaliekiko
errespetua sustatzeko jarduera berezia antolatu dute elkarlanean.
Altxorrak eta sekretuak
Altxorraren bila jolasa ere ibilbide irisgarrian egingo dute. Bide horretan zehar, hainbat altxor eta sekretu daude gordeta. Esku artean mapa bana hartuta, familian, haien bila ibiliko dira paraje zoragarri batean murgildurik. Ordu eta erdiko ibilaldia izango da.