Argazki lehiaketa bidez aukeratuko ditu Oñatiko Udalak 2026ko udal egutegia ilustratutako duten argazkiak. Herriko toponimia da aurtengo gaia eta izena duten leku, elementu geografiko eta eraikuntzak agertu behar dute argazkietan. Aukera zabala da, izan ere, asko dira horrelako tokiak eta elementuak, besteak beste: bide, mugarri, belardi, soro, baso eta kobak; iturburu, iturri, erreka eta urtegiak; auzune, baserri, txabola, dorre eta ermitak; tontor, mendi-lepo eta haitzak eta abar.
Udalaren webguneko mapa interaktiboan, esaterako, Oñatiko Udalerrian jasotako 2.855 leku-izen daude, eta, Euskara Zerbitzuak aditzera eman duenez, ondare hori ezagutu, ikusarazi eta erabilia izatea nahi dute.
Lehiaketan parte hartzeko argazkiak euskera@onati.eus helbidera bidali behar dira. Hemen lehiaketaren oinarriak.