Bart gauean izandako tximisten artean, horietako batek Oñatiko Sancti Spiritus Unibertsitatea jo zuen eta zenbait harri lurrera erori ziren."Estatua bat dago unibertsitateko albo batean eta hura jo zuen tximista batek. Harri handi batzuk lurrera erori eta goian beste hainbat geratu ziren teilatuan, handi samarrak, eta horiek kentzeko garabia beharko da. Dena den ez da bestelako kalterik izan" adierazi dute Oñatiko suhiltzaileek.
Oñatiko suhiltzaileek gaineratu dutenez, eurak iritsi orduko Ertzaintzak zintarekin lurrera eroritako harrien eremua inguratuta zuen, oinezkoak bertatik ez pasatzeko, eta herritarren segurtasuna bermatzeko. Atzoko euriteen ondorioz, bestelako intzidentziarik ez zutela jaso adierazi dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
