Urteroko gisan, oñatiarrak ordua baino lehenago heldu dira Corpus zapatu goizeko dantzak ikustera eta modu naturalean, hesia jartzeko beharrik gabe, osatu dute borobila herriko plazan. 9:00etan puntuan bota dute lehen etxafuegoa, eta Axier Uriarte kapitainak gidatutako dantzariek ikuskizuna hasi dute, txistularien laguntzarekin. Hiru dantza egin dituzte guztira: San Migel dantza, banakoa launan eta Oñatiko arku dantza.
Herritarren txalo artean amaitu dute plazako jarduna dantzariek. Hala ere, ostean, kalez kale ibiliko dira goiz zen arratsalde, kriskitin soinua herri osora zabalduz. Bigarren zati honetan bi dantza egiten dituzte: Banakoa launan eta Oñatiko arku dantza.
