Udako solstizioaren jaia ospatuko da gaur gauean eta San Juan sua egingo dute Foruen enparantzako aparkalekuan. Txantxiku ikastolak antolatuta, eta Jose de Azpiazu musika eskolaren, Aita Madina txistulari taldearen eta Txinparta bertso eskolaren laguntzarekin egingo da, 22:00etan.
Txalaparta doinuekin hasiko da San Juan bezperako saioa, Foruen enparantzan. Gero, Txantxiku ikastolako DBH-2ko ikasleek dantza bat egingo dute, eta ondoren emango diote su txondorrari.
Txistulariek San Juan zortzikoa joko dute eta sanjuanetako koplak abestuko dituzte herritarrekin. Bertso eskolakoen koplak izango dira ondoren, eta kalejirarekin amaituko da saioa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.