50 minutu inguru irauten du Luminiscence ikuskizunak. Europako hainbat tokitan egon ondoren, Donostiara ekarri dute, hango Artzai Onaren katedralera. Eta hor hartuko du parte, hain zuzen ere, Oñatiko Ganbara abesbatzak. Artea eta teknologia uztartzen ditu eta eraikina argiztatu horiei bideo-mappinga eta soinua gehituz.
Bertarako idatzitako musika propioa interpretatuko du Ganbarak hainbat pieza klasikorekin batera, ikuskizuna ahotsa jarriz. Hamar saiotan hartu du Oñatiko abesbatzak: lehenengo biak gaur, egubakoitza, eta bihar, zapatua. Hurrengoak dira uztailaren 3an, 5ean, 10ean, 12an eta 18an eta abuztuaren 21ean, 22an eta 23an. Gaurtik aurrera izango diren emanaldietarako sarrerak salgai daude.