Egun osoko egitaraupean ospatu zuten beste urte batez eltzekideek Eltzia Eguna. San Lorentzo auzoan triki-bertso-poteoa egin zuten, eta ondoren, bazkaria egin zuten. Bazkalostea girotzeko, berriz, Lagun Leku elkartearen bingoan jolastu zuten. Arratsaldean ere izan zuten zertaz gozatu; izan ere, Izarra eta Mirariren erromerian dantzan ibili baitziren, eta Irazan Antzerki Guneko kideek DJ saio bat egin zuten.
Eltzia Egunaren balorazio "ona" egin zuten antolatzaileek: "Urtero egon izan da giro ona, eta aurten ere halaxe izanda. 60 bat lagun elkartu gara bazkarian. Egia da, agian, eragin duela egun berean beste ekitaldi batzuk antolatuta egoteak, baina urtero elkartzen garen jendea elkartu gara, eta pozik gaude".
