Debagoieneko Alderdi Eguna "jai eguna" izango da baina herritarrekin "harremanak estutzeko eguna" ere bai. Proposamenak eta ideiak partekatzea da haien asmoa, eta alderdiak "eskualdeko bizi kalitatea hobetzeko dituen proiektuei buruz hausnartzeko tartea hartzea".
Jardunaldia 10:00etan hasiko dute, Murgildai txakolindegira (Murgia auzoa) egingo duten bisitarekin. Eta ondoren, 11:00etan, Txokolateixara (Kale Barria) joango dira bisitan.
Ekitaldi politikoa 12:30ean izango da, Foruen plazako lorategian. Gipuzko Buru Batzarreko lehendakari Euge Arrizabalaga eta Aitor Urrutia legebiltzarkide eskoriatzarra izango dira han, baita Ane Alberdi alderdikidea ere.
Jardunaldia borobilduko dute bazkariarekin; Oñatiko Batzokian izango da 14:30ean. Han izan gura duenak aldez aurretik eman beharko du izena eskualdeko batzokietan (prezioa: 20 euro).
Debagoieneko EAJk herritarrak gonbidatu ditu Oñatira hurbildu eta Debagoieneko Alderdi Egunean parte hartzera.
