Pake Leku elkarteak antolatuta, domekan, hilak 15, ospatuko dute aurtengo Jubilatuen Eguna. Aurten ere elkarteko bi lagunek omenaldia jasoko dute; Margarita Olalde Beloki eta Jesusa Beloki Iraola izango dira omenduak.
Ekitaldia San Migel parrokian izango da domeka eguerdian, 12:00etako mezaren ostean. Ondoren, bazkaria izango dute parrokiako klaustroan. Bazkarirako txartelak Pake Lekuko tabernan daude salgai, 15 eurotan.
Eskulanen erakusketa
Domekan egingo duten Jubilatuen Eguna ez ezik, hitzaldia, Burgosera irteera eta bingo berezia ere antolatu dituzte ekainerako Pake Lekun. Datorren astean, berriz, ikastaroetan egindako eskulanen erakusketa jarriko dute ikusgai elkarteko tabernan.