Bost urteko gelako gurasoek antolatuta Haur Hezkuntzako agur jaia ospatu zuten atzo HH-LHeko lorategian. Ospakizunera Haur Hezkuntza eta Lehen Hezkuntzako gazte guztiak gonbidatuta egon arren, datorren urtean zikloz aldatuko duten bost urteko hamar ume izan ziren protagonistak, beraiei zuzendua izan baitzen agurra. Hala, ikastetxe bereko ikasle nagusiagoek dantza egin zieten eta orla bat ere eman zitzaien agur opari gisa. Ospakizunean parte hartu zutenek jai giroan pasa zuten egubakoitz arratsaldea, jana, edana, musika, barbakoa eta beste hainbesterekin.
