14-20 urte arteko neskek Malen Osa korrikalari oñatiarrarekin korrika saio batean parte-hartzeko aukera izango dute datorren astean, "neska gazteen mendiko parte-hartzea bultzatzeko" asmoz. 11 kilometroko ibilbide zirkularra diseinatu du Osak, eta lehendabiziko topaketa izango da, beste batzuk egingo direlako aurrerago, Mendian Korri Eskolako sustatzaileen hitzetan: "Udazkenean jarraipena izango du mendian formakuntza saio berriekin, ikasteko, gozatzeko eta taldean hazteko pentsatuak".
Izen-ematea irekita dago jada, eta, kezkaren bat izanez gero, mezu bat bidali daiteke honako helbide honetara: mendiankorrieskola@gmail.com