Errekaldeko jai batzordearen laguntzarekin eta elkarlanean antolatutako Joane eta Uxueren kontzertuarekin eman zioten amaiera Oñatin, Euskaraldiaren laugarren aldiari.
Guztira, 1.932 norbanakok, 853 hikazalek eta 135 entitatek hartu dute parte aurten, eta antolatzaileek parte-hartzaile guztiak eskertu nahi izan dituzte. Itxiera ekitaldian, Noka LeHiaketan parte hartu duten guztien artean saski bat zozketatu zuten; 100dik gora herritarrek hartu dute parte eta Martin Txintxurreta izan zen irabazlea.
Egubakoitzeko Eskolarteko Appa Hi! txapelketako finalean, berriz, DBH3ko 45 ikaslek hartu zuten parte; ikastetxe bakoitzetik hamabosna joan ziren, aurrez kanporaketak eginda. Han hiru ikasle izan ziren irabazleak: Gorka Altzelai, Haizea Amado eta Unai Askasibar. Kultur produktuak erosteko bonoak eskuratu zituzten.
