Plataforma digitaletan entzungai dago, eta irailean dute binilo formatuan argitaratzeko asmoa. "Zazpi kantu ditu: bost abesti euskaraz dira eta beste bi, ingelesez. Estiloari dagokionez, aldaketa bat sumatzen da; esaterako, instrumentalagoa da eta inprobisatzeko espazio handiagoa sortu dugula esango nuke", diote taldekoek.
Hiru talde agertokian
Herriko Antixena gaztetxean aurkeztuko dute jendaurrean lan berria, gaur, egubakoitza, 22:00etan hasita. Bi talde izango dituzte taularen gainean lagun: Lekeitioko Zikin punk taldea eta Bilboko Sei Sega punk-rock taldea. Sarrerak leihatilan izango dira: zortzi eurotan arrunta eta hiru eurotan langabeentzat.