Arabako, Bizkaiko eta Gipuzkoako eskubaloi txapelketa erregularretan bigarren lekuan sailkatutakoek jokatu dute Lakuan Euskal Ligara igotzeko azken txartelaren bila.
Egubakoitzean, lehen partiduan, etxeko lanak ondo egin zituzten Aloñako neskek, eta etxean jokatzen duen Eharialdea mendean hartu, 28-23.
Emaitza horrekin, oñatiarren esku zegoen igoera, zapatuko partidua garaipena eskuratu ezkero. Baina, bukaera eztabaidatsu baten ostean (Aloñakoek piboteari egindako penaltia eskatu zuten azken jokaldian), berdinketarekin bukatu zen norgehiagoka: 19-19.
Beraz, gaurko partiduaren emaitzak erabaki du nor igotzen den Euskal Ligara. Basaurik bere esku zuen igoera, beti ere partidua sei gol baino gehiagogatik irabazten bazuen. Baina ez du aukerarik izan etxeko taldearen aurka, 24-21 galduta.
Hala, Aloña Mendiko senior mailako nesken taldeak Eukal Ligan jokatuko du hurrengo denboraldian.
