Gaur 16:30ean, mendiko bizikleta zeharkaldiarekin hasiko da San Migel Txiki jaietako egitaraua, eta Miel eta Txiki gorilek egingo dute txupinazoa, 19:00etan. Segidan irtengo dira txorimaloak eta erraldoiak, Bujeronetik hasita, dultzaineroek lagunduta. 22:00etan hasita, txosnagunean, 721, No Limits, Estolda eta Miel vs Txiki DJ festa izango dira.
Zapatuan, 20:00etan, Joseto Ta Alayak elektrotxarangak girotuko ditu kaleak, eta 22:30ean, Itzal erromeria eta Bad Sound egongo dira.
Domekan, 09:00etan, Aita Madina Txistulari taldearen goiz-eresia izango da, eta 11:30ean, Jesus Mari Irizar Txutxin dantza-maisua hil zela urtebete pasata, haren omenezko saioa egingo dute Oñatzeko gaztetxoek, Kanpantxon hasita. Maddi eta Anje Arlanzonen kontzertua egongo da Maiatzaren Bata plazan, 13:00etan, eta, 18:30eko txorimalo eta erraldoien saioaren ostean, Glutenbakuak taldearen emanaldia izango da 19:30ean.
Eraso sexistei erantzuteko telefonoa
San Migel Txiki jaietan, eraso sexisten aurrean erantzuteko, telefono bat egongo da, espezializatua eta konfidentziala, horiei aurre egiteko, egubakoitz eta zapatu gauetan. Hau da zenbakia: 688 602 089.
Egitaraua, egunez egun
Egubakoitza, maiatzak 9
- 16:30ean, ibilaldia mendiko bizikletekin.
- 19:00etan, txupinazoa, eta txorimaloek kalejira, dultzaineroekin.
- 19:15ean, ardo eta gazta dastatzeak.
- 19:30ean, presoen aldeko ekimena.
- 20:00etan, poteoa.
- 22:00etan, 721, No Limits eta Estolda taldeak, ostean, Miel eta Txiki DJ festa.
Zapatua, maiatzak 10
- 10:30ean, jolas tailerrak.
- 11:00etan, salda eta txorizoa, auzoko elkartean.
- 13:30ean, marianito poteoa.
- 18:30ean, taloak.
- 19:30ean, meza auzoko hildakoen alde.
- 20:00etan, Joseto Ta Alayak elektro-txaranga.
- 22:30ean, Itzal Erromeria eta Ban Sound.
Domeka, maiatzak 11
- 09:00etan, txistularien goizeresia.
- 11:30ean, Oñatzen dantza saioa, Txutxin-en omenez.
- 12:00etan, luntxa.
- 13:00etan, Maddi eta Anje Arlanzonen kontzertua.
- 14:00etan, bazkaria.
- 16:30ean, mus txapelketa.
- 18:30eam, txorimaloak eta erraldoiak.
- 19:30ean, Glutenbakuak taldea.
