Bertsotan eman dute omenduak izan diren auzotarren izenen berri. Aurten, Rosarito Letamendi eta Javier Markuleta bikotea izan da omendua, jai batzordearen hitzetan, auzokide erreferenteak direlako. Sorpresaz jaso dute hauek oroigarri bana.
Aurreko egunetako balorazio ona egin dute antolatzaileek, "jende asko" eta "giro ona" egon direla nabarmenduz. Atzo, esaterako, kalejiran egin zuten herrigunetik Olabarrietara dagoen bidea eta auzora iristean, txorimaloak atera ziren haurrak zirikatzera. Ostean, Inguma, Nize, Hamarratz eta DJ Merleiren musika emanaldiez gozatzeko aukera izan zuten karpara gerturatu ziren herritarrek.
Bihar, Olabarrietako jaiei amaiera eman aurretik, hainbat ekitaldi izango dira, hala nola, Lehen Hezkuntza 1-6 bitartekoendako krosa, pelota txapelketako finala eta mus txapelketa. Oñatiko auzoetako jaien denboraldiari hasiera emanda, datorren astean San Miguel Txikiek hartuko die lekukoa Olabarrietako jaiei.
