Arantzazuko basilikaren eraikuntzaren lehen harria orain dela 75 urte jarri zen. Urteurren berezi hori aitzaki bezala hartuta, Javier Gonzalez de Durana arte ikertzaile eta irakasleak, "ezohiko begirada" eskainiko du, hilaren 26an emango duen hitzaldian. Izenburu hau izango du: Autarkia frankista eta nazioarteko ordena berria (1950-55). Arantzazuko Basilikan izandako eragina.
Hilaren 26an, zapatuan izango da Arantzazuko santutegiaren Asis topagunean, 10:30ean, gaztelaniaz.
Egunean bertan 5 euroko sarrera ordaindu beharko da eta lekua mugatua da.
