Oñatiko Musika Bandaren ohiko kontzertua izan zitekeena berezia izan da lau bandakiderendako; izan ere, 25 urte bete dituzte taldean Aitor Biainek, Amaia Biainek, Jon Astigarragak eta Jon Mendiolak, eta omenaldia jaso dute ikuskizuna hasi aurretik. Musika Bandako lehendakari Iñigo Ugartek intsignia bana eman die.
Hala, sei piezatako emanaldia izan da. Mendebalde Urruna ardatz, Dakota, Momento of Morricone, The Cowsboys, Hightlights of Toy Story 4, Symphonic suite from 1805 eta Oregon abestiak jo dituzte.
Ekainaren 8an emango dute denboraldiko azken kontzertua. Mugitu Pop-rock izenburupean, eskainiko dute kontzertua 13:00etan Zubikoan. Gainera, Aloña Mendiko Gimnasia Erritmikoa sailaren partaidetza izango dute.
