Itsasoa da bide bakarra diskoa izango du oinarri Ines Osinaga eta ahizpak ikuskizunak. Gaztelekuan egongo da etzi, domeka, 12:30ean, eta agertokian Ines Osinagarekin batera izango dira Kubako Yaima Orozko eta Irina Gonzalez musikariak eta Garazi Egiguren dantzaria.
Diskoko kantu batzuk eta beste
Domeka eguerdirako errepertorio bat sortu dutela adierazi du Osinaga arrasatearrak: "Itsasoa da bide bakarra kontzertu intimoago batean izango da; Naile Sosa perkusionista ezingo da gurekin egon. Eta horregatik aldatu dugu izena. Diskoko kantu batzuk egongo dira eta diskotik kanpoko beste batzuk ere ekarriko ditugu. Domeka eguerdirako errepertorio bat sortu dugu". Gaineratu du maite dituela domeketako kontzertuak: "Zorionak eta eskerrik asko bestelako plazak eta moduak esploratzen dituzten programatzaileei. Opari hutsa dela iruditzen zait. Gogotsu nago Oñatira joateko; aspaldi ez naiz izan han". Sarrerak Oñati.eus-en eta Txokolateixan daude, 10 eurotan.
