Gaztetxoen pintura ikastaroetan irakasle aritzeko izen-ematea zabaldu du Oñatiko Udalak

Amaia Txintxurreta Guridi 2025ko api. 3a, 12:15

Gaztetxoak pintura ikastaroan.

Udaleko kultura sailak 6 eta 18 urte arteko gaztetxoendako pintura ikastaroak antolatu ohi ditu eta horietan irakasle aritzeko deialdia egin du. Apirilaren 13a aurretik bidal daitezke eskabideak, kultura etxera.

Ondorengo baldintzak bete behar dira izena emateko: titulazioari dagokionez, Arte Ederretako gradua edo/eta erdi mailako unibertsitate titulua izatea; Euskaran, hirugarren hizkuntza eskakizunaren pareko euskara maila izatea. EGA; Prestakuntza Ikastaroen inguruan, kontutan hartuko dira hezkuntza ez arautuko (marrazketa, margoketa, edo/eta artearekin loturikoak)
prestakuntza ikastaroak; lan esperientziaren barruan, artearen inguruan irakasle lanak egina izatea baloratuko dute, baita Arte Udalekuetan begirale gisa esperientzia izatea ere.

Datak

Haurren pintura ikastaroko zerbitzuaren egutegia, oro har, azarotik ekainera bitartekoa izango da. Oñatiko Udaleko Kultura Sailak finkatuko du egutegia. Ikastaroetako ordutegia izango da: eguaztenak, 18:30-20:00, eguenak: 17:00-18:30/ 18:30-20:00 eta egubakoitzak: 15:30-17:00/ 17:00-18:30/18:30-20:00.

Izena emateko interesa duenak, bere curriculuma aurkeztu beharko du apirilaren 13a aurretik. Kultura etxean entregatu beharko du, bertara joanda –Santa Marina plazan– edo mailez – kultura.idazkaritza@onati.eus. Edozein zalantza edo informazio gehiagorako: 943 78 03 53.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak