"Produkzioa geldiarazi" behar izan dutela Natra Oñatin adierazi dute, "langile guztiek bat egin dutelako" enpresa batzordeak –ELAk zortzi ordezkari ditu eta LABek bost– deitutako lanuzteekin. "Arrazoirik gabe" lankide baten kaleratzea salatzea dute helburu horiek. Natraren jarduera nagusia txokolatea eta gailetak ekoiztea da, eta 352 langile ditu.
Gaur ordubeteko bi geldialdi egin dituzte 10:00etan lehenengoa, eta 16:00etan bigarrena; eta biharko, martxoak 28, beste lanuzte bat dute deituta, 05:00etatik 06:00etara.
Enpresak, berriz, ez du adierazpenik egin nahi izan.
