Gazte elkarte eta sormen lanetarako dirulaguntzak eskatzeko epea zabalik dago apirilaren 14ra bitartean. Hiru ardatz nagusitarako eska daiteke laguntza: kultur sormenerako eta hedapenerako, urteko programaziorako edo elkarteen sustapenerako eta ezohiko jardueretarako.
Dirulaguntza horien eskatzaileak, herriko irabazi asmorik gabeko gazte-talde, norbanako edota haurrei zuzendutako programak sustatzen dituzten elkarteak izan daitezke.
Interesa dutenek Udaleko webguneko eskaera orria bete behar dute eta hainbat agirirekin batera aurkeztu behar dute.
Aurten, Haur eta Gazteria departamentuak 15.000 euro bideratuko ditu horretara.
