Zaintzari buruzko mahai-ingurua egingo dute Oñatin apirilaren 4an

Txomin Madina Milikua 2025ko api. 2a, 12:56

18:00etan hasita Oñatiko kultura etxean egingo duten mahai-inguruan bi zaintzailek eta Gu Haziak Gara eta Elkarzabal elkarteetako kideek hartuko dute parte. Erei elkarteko ordezkari batek gidatuta.

Zaintzaileak. Nola erantzun zaintza beharrei? izenburupean mahai-ingurua antolatu dute Erei Elkartasurenako Elkarteak, Gu Haziak Gara Laguntza Elkarteak eta Gipuzkoako Foru Aldundiak apirilaren 4rako. Oñatiko kultura etxean izango da ekitaldia, 18:00etan hasita.

Erei Elkartasun Elkarteko kide batek moderatuta, bi zaintzailek eta Gu Haziak Gara eta Elkarzabal elkarteetako ordezkari banak hartuko dute hitza mahai-inguruan. 

Antolatzaileek azaldu dutenez, "lehenago edo beranduago" denok aurkitzen gara sistemak "eragozten" dituen zaintza beharrei erantzuteko premiarekin, eta "zaintza sare kolektibo baten faltan" kanpo zerbitzuetara jotzen dugu horretarako. Gaineratzen dute gehienetan emakumeak direla zerbitzu hori eskaintzen dutenak, askotan "emakume migratu eta arrazializatuak". Mahai-inguruan zaintzaileen lanaren balorazioa, haien eskubideen bermea eta egoerak zaintzaileentzat eta familientzat dakarrena izango dituzte hizpide.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak