Hainbat ekintza antolatu ditu Oñatiko Nabarralde taldeak aurtengo jardunaldietarako.
Astelehenean zabalduko dute HABITAT: euskaldunon historia mapen bitartez erakusketa, kultura etxean, eta bisita gidatua egingo du Beñi Agirrek, 18:30ean. Erakusketa apirilaren 4ra bitartean egongo da zabalik, 18:00etatik 20:00etara.
Martitzenean, Ezkutatu diguten historia hitzaldia egingo du Idoia Arrietak, kultura etxeko zinema-aretoan, 19:00etan.
Martxoaren 30ean, Gazteluaitzera ibilaldia egingo dute. 09:00etan Arantzazuko Sindika ostatuaren aurretik irtengo dira eta Bellotzatik bueltatuko dira.
Apirilaren 1ean, Kepa Anabitarte: XX. mendeko abertzaletasun ahaztua hitzaldia egingo du Eneko Bidegainek, kultura etxeko zinema-aretoan, 19:00etan.
Eta apirilaren 2an, Gebara: Oñatiko jaunen leinuaren 1.000 urteko historia bideo laburra eta hitzaldia izango dira, Iñigo Larramendirekin, kultura etxeko zinema-aretoan, 19:00etan.
