Zanbranan (Araba) jokatu zuten atzo, domeka, Oñatiko ehiza txapelketa eta Aitor Zugasti izan zen irabazlea. Hamar ehiztarik hartu zuten parte eta berak ehizatu zituen eper gehien, lau.
Pago Uso elkarteak antolatutako urteroko txapelketa izan zen atzokoa, txakurrarekin, ehiza xehekoa. Behe-lainoagatik, 11:00etan hasi zuten eta bi ordu eta erdi iraun zuen. Sari banaketa egin ostean hartu zuten Oñatirako buelta eta elkarrekin bazkaldu zuten soziedadean.
Sailkapena:
- Aitor Zugasti, lau eperrekin
- Bittor Altuna
- Mikel Zufiria
- Beteranoak: Miguel Angel Arregi
- 1. ordezkoa: Jose Ignacio Leibar
- 2. ordezkoa: Jose Antonio Perez
Lehen lau sailkatuak, datorren irailean jokatuko den zonaldeko txapelketan lehiatuko dira.
