Oporrak Bakean elkarteak antolatuta, Saharari keinua egingo dion festa egingo dute gaur, egubakoitza, arratsaldean, herriko plazan. Festa 16:30ean hasiko da, eta henna egiteko eta aurpegiak margotzeko tailerrak egingo dituzte, besteak beste; baita txikienek jarraitzeko moduko zumba saioa ere.
Horrez gain, Atzeko kaleko txorimaloak aterako dituzte kalera, tea banatuko dute eta musika ere izango da.
Udan bi hilabetez ume errefuxiatu sahararrak familia euskaldun baten etxera etortzeko programa da Oporrak Bakean, desertuko berotik ihes egin eta behar duten arreta medikoa jaso dezaten, besteak beste. Datorren martxoaren 15era arte dago zabalik epea programa horretan izena emateko: onatiharrera@ gmail.com.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.