Antifa Fest 2 jaialdia ospatu zuten atzo, zapatua, Antixenako Gaztetxean. Bertan, Lee-Kore oñatiarrek eta Hoben zumaiarrek elkarrekin ateratako Antifa Hardcore split-a aurkeztu zuten, oñatiko herritarren babes handiarekin. Bi taldeak aurreko egunean Zumaiako Gaztetxean izan ziren aurkezpen kontzertua ematen, baina hala ere, nekea alde batera utzi, eta guztia eman zuten Antixenan.
Lee-Korek, split berriko kantuekin batera, aurreko diskoetako kantuak ere jo zituzten, tartean, Oñati Bizirik bildumarako propio atera zuten Ekintza zuzena izeneko abestia. Kontzertua amaitzeko, bi taldeetako kideak elkartu eta diskoari izena ematen dion Antifa Hardcore kantua abestu zuten elkarrekin, gaztetxea bete zuten zaletuen gozamenerako.
