Eskuz Binanako txapelketako sailkapenean lider doazen Rezustak eta Ezkurdiak puntu premian dauden Peña eta Albisu izango dituzte aurrean gaur Oñatin jokatuko duten norgehiagokan. Liderrak konfiantzaz beteta daude, txapelketako azken partiduan Jakari eta Imazi 22-13 irabazi zieten-eta orain arte erregularrenak direla erakutsi dute.
Jaialdia irekiko duen partiduan, berriz, Egiguren V.ak eta Erostarbek Larrazabalen eta Salaverri II.aren kontra jokatuko dute. Jakin internet bidezko sarrerak zein tabernetan saldu direnak agortuta daudela.
