Oñatiko musika banda Zubikoako pilotalekura itzuli da gaur Entzun klasikoak izeneko kontzertuarekin. Bertan jo dituzten bi piezatan gainera, Aita Madina txistulari taldekoen parte-hartzea izan dute.
Guztiek batera interpretatu duten abestietako bat izan da bideoan entzun daitekeen Bilboko Victor Zubizarreta (1889-1970) konpositore eta organistaren Txistulariak kantua.
Hurrengo kontzertuak
Gabonetako kontzertua izango da hurrengoa, eta urtero bezala, herriko hainbat musika eta abesbatza taldek parte hartuko dute bertan; Hator, hator kontzertuan. Ohi baino ordu erdi lehenago izango da, 12:30ean.
Urte berrian, urtarrilaren 6an, 13:00etan, Zubikoako pilotalekuan eskainiko du bere denboraldiko hurrengo kontzertua Oñatiko musika bandak.
