Urbiako baseliza Gipuzkoako nabarmenetako bat dela aipatu du Josefe Diaz de Tuestak, atzoko ekitaldian egon ostean: "Berri samarra izateaz gain, jende askoren inplikazioagatik eraiki zen, eta funtzio garrantzitsua jokatzen zuen, bai artzainei zerbitzu ematerako orduan eta baita domeketan meza emateagatik; izan ere, urte haietan 30 familia baino gehiagok pasatzen zuten uda Urbian, eta ermita bertan edukita ez zeukaten meza entzutera jaitsi beharrik".
Hain zuzen, meza berezi eta hunkigarriarekin eman zioten hasiera egunari. Ondoren Et Incanatus orkestrak eta Alaitz eta Maiderrek egin zuten emanaldia eta bukaera erromeriak eman zion, Zabale eta Lutxurdio trikitilariekin. Jende dezente bertaratu zela adierazi du Diaz de Tuestak, "gehienak 50 urtetik gorakoak, baina baita familia eta gazte-koadrila banaka batzuk". Ordezkaritza politikoa Oñatiko EAJko zinegotziek eta Aldundiko Kultura arloko kideek osatu zuten.
Josefe Diaz de Tuestaren argazkiak:
