Zortzi autokarabanetako jabeek salaketa jarri dute asteburuan kalteak izan dituztelako San Martin auzoan aparkatuta zituzten euren ibilgailuetan. Kristalak apurtu dituzte zortzietan eta barrutik gauzak lapurtu, udaltzaingoan jarritako salaketetan jaso duten moduan: kartera –txanponekin–, arropa, janaria, kotxea garbitzeko xurgagailua, argazki kamerak, erreminta kaxa edo ilea lehortzeko plantxak. Autokarabana gunetik kanpo zeuden aparkatuta.
Udaltzaingoak jakinarazi du, bestalde, zapatuan, 19:30ak inguruan, San Martin auzoan betan ibilgailu batek bederatzi urteko ume bat harrapatu zuela "txorimaloetatik ihes zihoala", eta Arrasateko ospitalera eraman, "eskumako hankako behatza" zuelako kaltetuta baina ez duela galdu esan du. Gaineratu du gidariak positibo eman zuela alkoholean.