Realak iragarri du Elene Guridi oñatiarra lehenengo taldeko dinamikan egongo dela datorren denboraldian, nahiz eta filialeko fitxa izaten jarraituko duen. Aurreko denboraldian egin zuen debuta txantxikuarrak Realarekin, eta egun hura "betirako markatuta" izango duen arren, "horrelako beste momentu asko bizitzea eta aukera guztiak aprobetxatzea" espero duela dio Guridik.
Lotailu gurutzatua hautsi zuen duela ia hiru urte oñatiarrak, baina orduan bizitakoak asko lagundu zion urrats hau emateko orduan: "Zoritxarrez, futbolaren alde txarra bizitzea egokitu zitzaidan. Hala ere, horri esker asko ikasi dut eta asko hazi naiz futbol arloan, baina bereziki pertsona moduan. Ikaskuntza horri esker, urrats hau emateko oso une onean nagoela uste dut".
Zenbaki aldaketa
Filialeko jokalari bezala, 30 zenbakia jantzita egin zuen debuta Guridik iaz; aurten, berriz, 26 zenbakia jantziko du.
Ver esta publicación en Instagram
