Atzo, zapatua, egin zuten euren emanaldia Hots Abesbatzakoek hiru abesti kantatuta. Guztira sei talde aritu dira: bi emakumezkoenak, bi gizonezkoenak eta bi mistoak.
Oñatiarrek hiru abesti eraman dituzte lehiaketara, itsasoarekin lotua duen bat –Idoia Azurmendiren Itsasoa ari zait–, Tadeja Vulc esloveniarraren O Sapientia –obra librea–, eta obra behartua, Julio Dominguezen Viento del mar. "Kritika onak jaso ditugu", azaldu du Biainek. "Musikalitate handiko abesbatza garela esan digute eta hori oso poztekoa da".
