Jubilatuen Eguna ospatu dute gaur Oñatin, eta eguerdiko mezaren ostean, klaustroan omenaldia egin diete Angel Etxeberria eta Milagros Agiriano senar-emazteei. Aurreskua dantzatu diete Oñatzeko dantzari ohi Beatriz Igartuak eta Txaro Uribetxeberriak, eta txistua jotzen izan dira Gotzon Osinaga, Miguel Angel Zarketa eta Santi Lizarra jubilatuak.
Eguerdiko mezaren ostean, aurreskua dantzatuta egin diete omenaldia aurtengo Jubilatuen Egunean Angel Etxeberria eta Milagros Agiriano senar-emazteei. Hunkituta jaso dute omenaldi xumea eta zapia eta txapela jantzi ostean, lore sorta ere jaso dute. Familiartekoak euren ondoan izan dituzte.
Horren ostean, San Migel parrokiako klaustroan elkartu diren 140 jubilatu inguruk luntxa izan dute, eta gainera, hainbat opari ere zozketatu dituzte euren artean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
