Herriko jai nagusietan egingo den haurren danborradan parte hartzeko izen ematearen epea gaur, eguaztena, bukatzen da. Datorren ikasturtean Lehen Hezkuntzako hirugarren edo laugarren maila hasiko duten gaztetxoak (2015ean edo 2016an jaiotakoak) aterako dira aurtengo danborradan.
Izena emateko
Izena online eman behar da, ekainaren 12a aurretik, ikastetxeen bidez banatu duten lotura elektroniko baten bitartez:
- Danborradan danborra jotzen atera nahi dutenek formulario hau bete behar dute: https://forms.gle/
1jXmNUTrZxwiaNkT7 - Gastadore gisa parte hartu nahi dutenek, aldiz, formulario hau bete behar dute: https://forms.gle/
c9nL91XVFpcg9mfv8 (gastadore irteten direnekin, irteera bat antolatuko dute zalditegira)
Entseguak
Entsegu egunak zehaztuta dituzte antolatzaileek:
- Ohiko entseguak: Irailaren 5, 10 eta 12an izango dira, Eltzian, 18:30etatik 19:30etara.
- Entsegu orokorrak: Irailaren 17 eta 19an izango dira, Eltzian, 18:30etatik 19:30etara. Danborra jotzen duten haur guztiak bertaratu beharko dira eta larruzko gerrikoa ekarri beharko dute
Haurren danborrada irailaren 21ean egingo da aurten.
