Txanda herriko merkatarien elkarteak beste kanpaina bat jarriko du martxan datorren astelehenean, maiatzak 20. Guztira, 4.200 euro zozketatuko ditu herriko bost establezimendutan zigilatutako txartela aurkezten duten bezeroen artean. Kanpainan parte hartuko duten merkatariek Oñatiko erosketa-pasia izeneko txartel bat emango diete erosketak bertan egiten dituztenei. Txartel horretan, herriko bost dendatako zigiluak lortu behar dituzte oñatiarrek zozketan parte hartzeko; beraz, txartela aldean eramateko gomendioa egin du Txanda elkarteak: "Egiten duzun erosketa bakoitzeko zigilua jartzeko".
Pasea zigilatuta entregatzen dutenen artean 4.200 euro zozketatuko ditu Txandak: 200 euroko 21 sari, 50 euroko bonuetan. Zozketa ekainaren 19an egingo dute.
