Aimar Sorazu, Andoni Rekondo, June Aiestaran, Lierni Rekondo, Maddi Aiestaran eta Maite Garmendia bertsolariak izango dira Oñatiko antzokiko agertokian lehian eta Aizpea Garmendiak jardungo du gai-jartzaile lanetan, eta Leire Beloki, Maite Sukia, Mikel Lersundi eta Unai Munian izango dira epaimahaikideak.
Datorren astean, Antzuolan
Biharko saioa amaitutakoan jakinaraziko dute bigarren itzulian parte hartuko dutenen bertsolarien zerrenda. Lehenengo itzulian moduan, bi multzotan banatuta lehiatuko dute: Antzuolan abiatuko dute A multzokoek eta Pasaian besteek.
48 bertsolarik jardungo dute lehian, zortzi saiotan banatuta. Zerrenda zehatza oraindik jakiteke, aukerak dituzte Eskoriatzako Haizea eta Oihana Arana ahizpek, Arrasateko Ane Zuazubiskarrek eta Oñatiko Maider Arregik, Urko Arregik, Urko Egañak eta Aitor Tatiegik.
