Udalak dirulaguntzak emango ditu herri onurako mendietan dauden artzain-txaboletan egingo diren obretarako. Laguntza horiekin, udalerriko biodibertsitatea berreskuratzen, hobetzen eta lehen sektorea mantentzen lagundu gura du Udalak.
Abeltzaintza estentsiboa sustatzea eta laguntzea da dirulaguntza hauen helburua, artzain-txabolak hutsik egon beharrean erabilera emanda, udal ondarea kontserbatzeko eta mantentzeko.
Guztira, 13.000 euro banatuko ditu eta eskaerak maiatzaren 6a baino lehen egin daitezke. Dirulaguntza emateko orduan lehentasuna izango dute artzaintza ogibide dutenek, eta jarduerari lotutako lanak lehenetsiko dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
